قاعد اشتغل على كورس التسويق الرقمي من جوجل ومرت علي طريقة اسمها SMART تستخدم لتحديد الأهداف. كلمة سمارت معناها ذكي فكأنك تقول طريقة تحديد الأهداف بطريقة ذكية. لكن الكلمة عبارة عن خمس كلمات مجمعة مع بعض وماخذين الحرف الأول من كل كلمة عشان يكونونها. فهي طريقة ذكية عشان الواحد يحفظ الأشياء المطلوبة في تحديد الهدف.
ال S مأخوذة من كلمة Specific يعني محدد ولازم هدفك يكون محدد وواضح مثلا حاب تزيد 100 متابع خلال شهرين.
ال M جاية من كلمة Measurable يعني تقدر تقيسه فمثلا بالهدف اللي قلناه تقدر تعد تقيس كل اسبوع كم متابع زاد عندك وبعد نهاية الشهرين تقدر تعرف هل فعلا زدت متابعينك ولا لا ما فيه غموض أو ضبابية في الهدف.
ثالث حرف هو ال A وهذا أصله Attainable يعني قابل للتحقيق وتقدر عليه مو تقول هدفي أزيد مليون متابع في ثلاث دقايق تستهبل؟
الحرف الرابع من كلمة سمارت هو ال R وجاي من كلمة Relevant يعني عنده علاقة مع شغلك فهدفك مثلا لو عندك متجر الكتروني يبيع ملابس لازم يكون له علاقة مع شغلك فما يكون هدفك انك تربي ثلاث كلاب خلال يومين شدخل؟
وآخر حرف هو ال T و هذا من كلمة Time – Bound يعني محدد بالوقت يعني لازم يكون عندك وقت محدد لتحقيق الهدف ما تخلي الوضع مفتوح لأن إذا ما حددت الوقت ما بتسوي شي لا نضحك على بعض مثلا هدفك تزيد مليون متابع وبس طيب كيف تعرف انك ماشي صح؟ ايه يمكن تزيد بس لما توصل مليون تكون ميت وش الفايدة؟
المهم قررت اخلي الموضوع عربي واستعنت بصديق الكتروني واقترح علي اكثر من طريقة وعجبتني وحدة منهم اسمها وقتي.
الواو من واضح فلازم هدفك يكون واضح.
القاف من قابل للقياس وهنا القاف في قابل وفي قياس فسهل تتذكر المهم هدفك لازم يكون له طريقة تعرف انك حققته أو لا.
الحرف الثالث من تحقيقه ممكن لأن لازم هدفك يكون معقول لا تبالغ.
رابع شي هو اليا من يناسب الشغل حقك لازم هدفك عنده علاقة مع أهدافك الكبيرة الثانية.
وآخر شي برضو يا من ينجز في وقت محدد. وبكذا يصير معنا كلمة عربية وقتي (بشدة على اليا يعني فيه يائين ياي).
احفظ الكلمة هذي وكلما جيت تحدد لك هدف خلي هدفك وقتي.
